അനങ്ങനടി
ഗ്രാമ പഞ്ചായത്ത്

അനങ്ങനടി ഗ്രാമപഞ്ചായത്തിന്റെ പരിധിയില്‍ ആകെ 26 അങ്കണവാടികള്‍ പ്രവര്‍ത്തിച്ചുവരുന്നു. സമഗ്ര ശിശുവികസന സേവന (ICDS) പദ്ധതിയുടെ ഭാഗമായി കുട്ടികളുടെ സമഗ്ര വളര്‍ച്ച, പ്രീ-സ്കൂള്‍ വിദ്യാഭ്യാസം, പോഷകാഹാരം, ആരോഗ്യപരിപാലനം, പ്രതിരോധ കുത്തിവയ്പ്പ്, ആരോഗ്യ ബോധവല്‍ക്കരണം തുടങ്ങിയ വിവിധ സേവനങ്ങള്‍ അങ്കണവാടികള്‍ മുഖേന ലഭ്യമാക്കി വരുന്നു.

ഗ്രാമപഞ്ചായത്തിലെ സെന്റര്‍ നമ്പര്‍ 126 – കോട്ടക്കുളം അങ്കണവാടി സംസ്ഥാന സര്‍ക്കാരിന്റെ സ്മാര്‍ട്ട് അങ്കണവാടി പദ്ധതിയുടെ ഭാഗമായി ആധുനിക സൗകര്യങ്ങളോടെ പ്രവര്‍ത്തിക്കുന്ന അങ്കണവാടിയാണ്. കുട്ടികള്‍ക്ക് സുരക്ഷിതവും ശുചിത്വമുള്ളതുമായ പഠനാന്തരീക്ഷവും മികച്ച അടിസ്ഥാന സൗകര്യങ്ങളും ഇവിടെ ഒരുക്കിയിട്ടുണ്ട്.

ഗ്രാമപഞ്ചായത്തിലെ എല്ലാ അങ്കണവാടികളും ഐസിഡിഎസ് (ICDS) സൂപ്പര്‍വൈസറുടെ മേല്‍നോട്ടത്തിലാണ് പ്രവര്‍ത്തിക്കുന്നത്. നിലവില്‍ ശ്രീമതി. ബേബി കെ. കെ. ആണ് അനങ്ങനടി ഗ്രാമപഞ്ചായത്തിലെ ഐസിഡിഎസ് സൂപ്പര്‍വൈസര്‍.