അനങ്ങനടി
ഗ്രാമ പഞ്ചായത്ത്

ജോലിസ്ഥലങ്ങളിൽ സ്ത്രീകൾക്ക് സുരക്ഷിതവും മാന്യവും വിവേചനരഹിതവുമായ തൊഴിൽ അന്തരീക്ഷം ഉറപ്പാക്കുന്നതിനായി ലൈംഗികാതിക്രമങ്ങളിൽ നിന്ന് സ്ത്രീകളെ സംരക്ഷിക്കുന്ന നിയമം, 2013 (POSH Act, 2013) പ്രകാരം ഇൻറേണൽ കംപ്ലൈന്റ്സ് കമ്മിറ്റി (ICC) രൂപീകരിച്ചിരിക്കുന്നു.

സ്ത്രീ ജീവനക്കാർക്ക് ജോലിസ്ഥലത്ത് നേരിടേണ്ടിവരുന്ന ലൈംഗികാതിക്രമവുമായി ബന്ധപ്പെട്ട പരാതികൾ രഹസ്യസ്വഭാവം കാത്തുസൂക്ഷിച്ച് സ്വീകരിക്കുകയും നിയമാനുസൃതമായി അന്വേഷിച്ച് ആവശ്യമായ ശുപാർശകൾ നൽകുകയും ചെയ്യുന്നതാണ് കമ്മിറ്റിയുടെ പ്രധാന ചുമതല.

പരാതിക്കാരിയുടെ അവകാശങ്ങളും സ്വകാര്യതയും സംരക്ഷിച്ചുകൊണ്ട് നീതിയുക്തവും സുതാര്യവും സമയബന്ധിതവുമായ നടപടിക്രമങ്ങൾ കമ്മിറ്റി ഉറപ്പാക്കുന്നു. ജോലിസ്ഥലത്ത് പരസ്പര ബഹുമാനവും ലിംഗസമത്വവും സുരക്ഷിതമായ തൊഴിൽ സംസ്കാരവും പ്രോത്സാഹിപ്പിക്കുന്നതിനായി ബോധവൽക്കരണ പ്രവർത്തനങ്ങൾ സംഘടിപ്പിക്കുന്നതും കമ്മിറ്റിയുടെ പ്രധാന ഉത്തരവാദിത്തങ്ങളിൽ ഒന്നാണ്.